Guliston davlat universiteti O’zbekiston Respublikasi Prezidenti I. Karimovning 1992-yil 28- fevraldagi Farmoniga ko’ra sobiq Sirdaryo davlat pedagogika instituti bazasida tashkil etilgan. O’tgan muddat davomida universitetning moddiy texnik bazasi zamon talablari darajasida qayta shakillandi. Universitetda “Ilm orqali bilim” tamoyili asosida fan, ta’lim, ishlab chiqarish o’rtasida genetik aloqani rivojlantirish maqsadida olib borilayotgan ilmiy va ilmiy-pedagogik faoliyat o’z natijalarini bermoqda. Ushbu “bilim uchburchagi” yo’nalishlari asosida Respublikamiz va ko’pgina xorijiy davlatlarning oliy o’quv yurtlari hamda o’nlab xalqaro tashkilotlar va ilmiy markazlar bilan ilmiy hamkorlik aloqalari yo’lga qo’yildi.

Bugungi kunda universitetda 22 ta ta’lim yo’nalishida 4092 ta talaba ta’lim olib, 400 ga yaqin yuqori malakali proffesor-o’qituvchilar va tadqiqodchilar faoliyat ko’rsatmoqda. Universitetda “Mintaqaviy tadqiqot” markazi, qator ilmiy laboratoriyalar, “Pedagogik innovatsiyalar” markazi, “Multimedia” markazi, “Yosh olimlar akademiyasi” faoliyat ko'rsatadi. Professor-o'qituvchilar va talabalarga zamonaviy ARM, 1200 o'rinli turar joyi, 9 ta oshxona va kafelar xizmat qiladi. Universitet 2 ta yopiq va 5 ta ochiq sport maydonlariga ega.

14 aprel kuni GulDUda Adabiyotshunoslik kafedrasining dotsenti Umurzoq O’ljaboev tavallud topgan kunning 70 yilligi qizg’in nishonlandi. Tadbirni universitet rektori, professor Ashraf Eminov ochib, 44 yildan beri mazkur oliygohda faoliyat ko’rsatayotgan adabiyotshunos olimning faoliyati xususida to’xtaldi va jamoa nomidan tabriklab, esdalik sovg’alarini topshirdi. Tadbirda ishtirok etgan O’zbekiston Qahramoni, O’zbekiston xalq shoiri Abdulla Oripov, O’zbekiston xalq yozuvchisi Muhammad Ali, O’zMU professori Qozoqboy Yo’ldoshev, SamDU professori Subhon Abbosov va boshqalar yubilyarni samimiy qutladilar.